A B C D E F GG' H I J K L M N O P Q R S Sh T U V W X Y Z0-9
Загрузка...
ОЗОДА САИДЗОДА: “МЕН АВВАЛГИ ОЗОДА ЭМАСМАН!”
Опубликовал: DODA
14-07-2016, 00:43
Просмотров: 4 990
Комментарии: 0
 
 
 


Хонанда билан суҳбатлашиш мақсадида, унинг хонадонига ташриф буюрдик. Кўркам ва ўзгача ёндашув асосида қурилган уй ҳар қандай кишининг диққатини тортиши аниқ. Озода Саидзода бизни кўркам ижодхонасига таклиф этиб, мухлисларни қизиқтирган саволларига жавоб берди.

- Озода опа, айни кунларда нималар билан бандсиз?

- Яқиндагина хориж сафаридан қайтдим. Хабарингиз бўлса, хорижлик хонандаларга ҳам мусиқа басталайман. Яқинда бир нечта лойиҳани амалга оширдик. Тошкентга қайтгач, янги альбом устида ишлашни бошлаб юбордим. Фақат ижрочи эмасман, қўшиқнинг техник томонлари ҳақида ҳам ўзим бош қотираман. Шу боис, ҳозир бош қашлашга ҳам вақтим йўқ (кулиб).

- Бир неча йил аввал Мавлуда Асалхўжаевага "Қирқ баҳор” номли қўшиқни яратиб берганингиздан хабаримиз бор. Ундан кейин бирорта ўзбек хонандасига мусиқа басталаб бермадингиз. Бунинг боиси нимада?

- Бастакорлик ишимга асосан грек, исроил ва араб хонандалари харидор бўлишади. Ўзимизнинг санъаткорларга эса мусиқа ёзмай қўйгандим. Яширишнинг ҳожати йўқ, яхши, асл маҳсулотнинг нарҳи ҳам қиммат бўлади. Мен кимнингдир ғояси асосида қўшиқ яратмайман. Яратган қўшиғимнинг эса "ҳит” бўлиш кафолатини оламан.

- Жўшқин ижод қилмайсиз. Адашмасак, бир қўшиқни яратишингизга уч-тўрт ой вақт сарфлайсиз...

- Тўғри, ижод бу ишлаб чиқариш фабрикаси эмас! Тез, шошмашошарлик билан яратилган қўшиқларнинг қадри жуда тез йўқолади. Юқорида айтиб ўтганимдек, қўшиқнинг фақат ижроси ҳақида эмас, унинг мусиқаси, сайқали ва техник жиҳатлари билан ҳам ўзим шуғулланаман. Аслида бу уч-тўртта ижодкорнинг иши.

- Нафақат концертларда, балки халқ хизматларида ҳам у қадар фаол эмассиз. Ўзбек хонандалари асосий дароматни тўйлардан топиши ҳеч биримизга сир эмас.

- Тўйларга жуда кўп таклиф этишади, аммо уларнинг ҳаммасига ҳам боравермайман.

- Наҳотки, даромат сизни қизиқтирмаса...

- (кулиб). Озоданинг даромат манбайи кўпчиликни қизиқтиради. Кейинги пайтларда "тўйбоп” қўшиқлардан ўзимни олиб қочишга интилаяпман. Репертуаримда ҳам бундай қўшиқларга ўрин йўқ. Биласизми, ҳар бир санъаткорнинг ўз даражаси бўлади. Кимдир ўйинбоп қўшиқларни яратишга мойил, бошқаси эса йўқ. Тингловчига шундай қўшиқ ёқяпти, фалончининг шу қўшиғи "ҳит” бўлди, деб оқимга қараб сузмайман. Аҳир янгиликни кимдир қилиши керак-ку. Ҳеч бир санъаткор санъаткор "ла-ла” ёки "тра-ла-ла” деган қўшиқ билан ўсмайди.

- Ҳамкасбларингиз даврасида деярли сизни учратмаймиз. Назаримизда, фаолликка ҳам интилмайсиз.

- Тўғри, ижодкор омма олдида фаол бўлиши шарт эмас. Кейинги пайтларда санъаткорларнинг ижтимоий тармоқлардаги ёзишмалари ва жойлаётган расмлари жашимга тегаяпти. Рост (кулиб)! Селфига тушиб, ҳозир фалон жойдаман, мана бу овқатни еяпман деб халқни бохабар қилиш шарт эмас. Назаримда, ижодкор бироз сирли бўлса, унга халқ интилади, бирор даврага кириб борганингизда ҳам ҳурматингизни жойига қўяди. Энг мазали овқатни ҳам ҳар куни истеъмол қилаверсангиз, ахийри миғдангизга тегади.

- Мухлисларни ўйлантираётган савол: ташқи кўринишингизни бу даражада ўзгаришига нима сабаб бўлди?

- Шоу-бизнесга мослашиш (кулиб). Саҳнага мос бўлмаса, унга чиқиб масҳара бўлмаслик керак.

- Хорижда пластик операция қилдирганингиз ростми?

- Йўқ (қатъий)! Бир йил давомида мунтазам парҳез қилдим. Кунимнинг асосий қисмини спорт залида ўтказдим. Бу билан фақат гўзал қоматга эга бўлмадим, соғлиғимни ҳам тикладим. Парҳез – энг фойдали муолажа усули. Соғлом ва тўғри овқатланишни ўргандим. Кутилган натижага эришгач, бир гуруҳ мутаҳассислар билан маслҳатлашиб имиджимни ҳам ўзгартирдик. Яқинда ижтимоий тармоқлардаги фикрларни ўқиб роса кулдим. "Озода оғир дардга чалинган. Шу боис озиб, кўриниши ҳам ўзгариб кетган”, деб ёзишибди. Тавба, мен соғлиқни тиклаш учун мунтазам спорт билан шуғуллансам-у, одамлар касалга чиқариб қўйишса (кулади).

- Бироз танаффусдан сўнг ижодга қайтган хонандаларнинг аксарияти ўз ўрнини тополмаяпти. Шу қатори сиз ҳам!

- Биласизми, ҳамма нарса аввалгидек бўлавермайди. Ҳаёт кун сайин ўзгараяпти, бугунги принцип эртага ўтмаяпти. Битта яратилган қўшиқ ёки клип уч кун инстраграммда муҳокама қилинаяпти-ю, кейин ҳамманинг эсидан чиқаяпти. Чунки уч кун ичида яна учта хонанданинг қўшиғи чиқиб турибди. Билмадим, балки меҳнатдан қочишаётгани панд бераётгандир.

- Бугун саҳнанинг юзи, тўйхоналарнинг файзи бўлаётган хонандалар меҳнат қилаяпти, дея оласизми?

- Йўқ, бу саволингизга жавоб бериш қийин. Аслида, санъат билан шоу-бизнес ўртасида тофовут бор. Шоу-бизнеснинг мақсади нима қилиббўлса-да, эътиборни тортиш. Қўшиғи одамларнинг ёдида қолмаса ҳам майли, номини билишса бўлди. Кейин меҳнатнинг самарасини тез кутишга одатланиб қолишди. Қўшиқни тез яратса-ю, оммага тақдим этса. Шоу-бизнес оқими жуда кучли, унга ҳақиқий санъаткорларнинг кўпчилиги дош беролмаяпти. Уч-тўрт ой клип яратмай қўйса, "Нега йўқ бўлиб кетдингиз?”, деб сўрашади, матбуотда эса "бироз танаффусдан сўнг...”, деб ёзишади. Аслида яхши қўшиқни яратиш учун шунча вақт сарфланади.

- Сизнинг халқона, соф миллий эстрада йўналишидаги қўшиқларингизни мухлислар соғинди...

- Болалигимдан Жўрахон Султонов, Маъмуржон Узоқов қўшиқларини тинглаб катта бўлдим, Консерваторияни ҳам мақом йўналишида таҳсил олганман. Миллий қўшиқларнинг ўзгача сеҳри бор, уларни мириқиб ижро этаман. Аммо, фэнтизи жанрида ижод қиламан. Бу аралаш мусиқа, гибредлаш ҳисобланади. Лекин халқона қўшиқларни ҳам яратаяпман. Яқинда "Ота-онангни рози қил” номли қўшиқни ижро этдим.

- Уйингиз жуда кўркам ва ўзгача ёндашув асосида қурилган. Хоналар дизайни таҳсинга лойиқ. Дизайнерлар маслаҳатига қулоқ солганмисиз?

- Дизайнерлик соҳасига жуда қизиқаман. Болалигимда рассомчиликка ҳам қизиқардим. Агар хонанда бўлмаганимда шу соҳанинг этагидан тутармидим (кулади). Бу уйни қуриш учун нақд саккиз йил вақт кетди. Ўзгача ёндашув асосида, ҳеч бир уйга ўхшамаслигига ҳаракат қилдим. Гулқоғозлардан тортиб, жиҳозларнинг қандай жойлашишигача ўзим танладим.

- Икки йил аввал газеталарнинг бирига берган интервьюингизда турмушга чиқаётганлигингиз ҳақида айтиб ўтгандингиз. Аммо тўй ҳақида эшитмадик…

- Гап орасида ҳазиллашиб, бу ҳақида айтгандим. Гапирган гапим бошимга бало бўлди (кулиб). Вақтим келиб, шахсий ҳаётимни изга соламан. Бу гапларда жон бор. Аммо, буни ҳақида омма билишини, тўйимни муҳокама қилишларини истамайман.

- Ўзбек хонандалардан кимнинг ижодига бефарқ эмассиз?

- Отабек Муҳаммадзоҳиднинг ижодини кузатиб бораман. Унинг санъат учун жонини беришга ҳам тайёрлигини айтаётган қўшиқларидан пайқаш мумкин. Санъатда фаол хонанда эмас, аммо яхши ижодкор.

- Суҳбат чоғида сездикки, Озода Саидзоданинг нафақат ташқи кўриниш, дунёқараши ва феъл-атвори ҳам ўзгарган. Аввалгидек, чўрткесар эмас, аксинча оғир босиқ ва мулоҳазали...

- Раҳмат (кулиб). Аввалги Озода эмасман. Инсон тажрибаси ошгач, фикрлариши, ҳаётга, атрофдаги инсонларга бўлган муносабати ҳам ўзгарар экан.

- Мазмунли суҳбатингиз учун ташаккур.

Наргиза Муродова суҳбатлашди.


скачать dle 10.6фильмы бесплатно
Уважаемый посетитель, Вы зашли на сайт как незарегистрированный пользователь. Мы рекомендуем Вам зарегистрироваться либо войти на сайт под своим именем.




Другие новости по теме:
ОЗОДА САИДЗОДА: “МЕН АВВАЛГИ ОЗОДА ЭМАСМАН!”
Добавление комментария
Ваше Имя:
Ваш E-Mail: Код:
Кликните на изображение чтобы обновить код, если он неразборчив


Скачать музыку бесплатно без регистрации

Здесь вы можете скачать музыку абсолютно бесплатно и без регистрации в зоне Tas IX, а если зарегистрируетесь - получите возможность добавлять любимые песни в плейлист, комментировать и оценивать музыку. Вся музыка на сайте разбита на категории, что делает скачивание mp3 более удобным и приятным.
Наши новинки обновляются каждый день и поэтому у нас всегда только свежая и актуальная музыка, которую также можно слушать онлайн!