Bahrom Mahmudzoda

Omadin olma

Bahrom Mahmudzoda - Omadin olma
Ko'ngilning tubini ko'zgu ko'rsatmas,
Qizargan yigitni ko'zguga solma.
Xudoyim omad ber har bir yigitga,
Otini olsang ham omadin olma.

Yayrasa yarashar yigit zotiga,
Qo'vonch qo'vib yursin duodan tolma.
Tog'ni talqon qilsin elning korida,
Sochlari oqarmay qomatin olma.

Muxabbat merosdir odam atodan,
Momo havolarim qayg'uga solma.
Sevilib yashasin, sevib yashasin,
Jonini olsang ham jononin olma.

Har farzand umrning uzun yo'lidir,
O'zbegim beshigi sira bo'sh qolma.
Yigit tizzasida o'g'li o'tirsin,
Elga mardlar kerak polvonin olma.

Allohim ko'zini to'q qil yigitning,
Bir nafsi yo'lida yuz kuyga solma.
Berguvchi o'zingsan olguvchi o'zing,
Orini olmagan omadin olma.

Mahmud Toir so'zi